JAQH TAMBARAM: April 2019

Sunday, 21 April 2019

Tamil Islamic Poster

Saturday, 20 April 2019

நபி கடுகடுத்தார்! [திருக்குர்ஆன் கூறும் கதைகள்-45]

முஹம்மது நபி, இயல்பிலேயே மென்மையானவர். இலகிய குணமுடையவர். அவர் ஒருமுறை கடுகடுத்தார். முகம் சுழித்தார். அதற்காக அவர் அல்லாஹ்வால் கண்டிக்கப்பட்டார். அவர் யாருக்காக, ஏன் கண்டிக்கப்பட்டார் தெரியுமா? வாருங்கள் தெரிந்து கொள்வோம்.

முஹம்மது நபி வாழ்ந்த சமூகத்தில் சாதி வேறுபாடு ஆழமாக வேரூன்றிக் காணப்பட்டது. சிலர் தம்மை உயர்சாதி என்று கூறிக்கொண்டு பெரும் அடக்குமு¬ணீறயைக் கையாண்டு வந்தனர். முஹம்மது நபி, ஒருவனே தேவன் என்று போதித்ததைக் கூட அவர்களில் சிலரால் ஜீரணிக்க முடிந்தது. ஆனால் ஒன்றே குலம் என்கிறாரே… உயர்சாதியான எம்மையும் இந்தக் கீழ் சாதிகளையும் சரிசமமாக ஆக்கப் பார்க்கின்றாரே என்பதைத் தான் அவர்களால் ஜீரணிக்க முடியாதிருந்தது.

முஹம்மதே, நீங்கள் கூறுவதை நாம் ஏற்கலாம். ஆனால் இந்தக் கீழ்சாதிகளுடன் சரிசமமாக எம்மால் இருக்க முடியாது. எமக்கென தனியாகவும் அவர்களுக்கு வேறாகவும் நீங்கள் மார்க்கம் சொன்னால் நீங்கள் கூறுவதை நாம் ஏற்கலாம் என்று கூறினர். முஹம்மது நபியவர்கள் கூட இவர்கள் கூறுவது போல் செய்து அவர்கள் சத்தியத்தை ஏற்ற பின்னர் கொஞ்சம் கொஞ்சமாக அவர்களது மனநிலையில் மாற்றத்தை ஏற்படுத்தி சமத்துவத்தை உருவாக்கினால் என்ன… என்று யோசிக்க ஆரம்பித்தார்கள்.

இவ்வாறு உயர்சாதியினருடன் பேசிக் கொண்டிருக்கும் போது கண்பார்வை இல்லாத ஒரு மாற்றுத் திறனாளியான அப்துல்லாஹ் இப்னு உம்மி மக்தூம் என்று சொல்லப்படக்கூடிய ஒருவர் அந்த வழியில் வந்தார். முஹம்மது நபியின் குரலைக் கேட்ட அவர் ஆர்வத்துடன் வந்து முஹம்மது நபியுடன் பேச ஆரம்பித்தார்.
அவரோ பார்வை அற்றவர். சூழ்நிலையை அவரால் புரிய முடியாது. முஹம்மது நபி யாருடன் உரையாடிக் கொண்டிருக்கிறார் என்பதும் அவருக்குத் தெரியாது. எனவே அவர் மீது எந்தக் குற்றமும் இல்லை, குறையும் இல்லை. இந்த சந்தர்ப்பத்தில் தான் முஹம்மது நபி, முகம் சுளித்தார். இந்த மனிதர் இப்போது வந்து பேசிக் கொண்டிருக்கிறாரே! இவர் என்னுடன் எப்போது வேண்டுமானாலும் பேசலாமே… என்று அவர் பேச்சைப் புறக்கணித்தார்.

முஹம்மது நபி முகம் சுளித்தது அவருக்குத் தெரியாது. ஆனால் அல்லாஹ்வுக்குத் தெரியும் அல்லவா? உடனே முஹம்மது நபியைக் கண்டித்து திருமறை வசனங்கள் அருளப்பட்டன. பொதுவாக குர்ஆன் வசனங்கள் முஹம்மது நபியைப் பார்த்து அல்லாஹ் நேரிடையாகப் பேசுபவையாகவே அமைந்திருக்கும். ஆனால்
முஹம்மது நபியைக் கண்டிக்கும் இந்த வசனங்கள் அவரைப் பார்த்துப் பேசுவதாக அமையாமல் மக்களைப் பார்த்து செய்தியைச் சொல்கிறது. முஹம்மது நபியைப் படர்க்கையாக வைத்து அல்லாஹ் பேசுகின்றான்.

தன்னிடம் பார்வை அற்ற அவர் வந்தபோது இவர் கடுகடுத்தார். அவரைப் புறக்கணித்தார். வந்த இவர் தூயவராக இருக்கலாம். நீர் கூறுவதைக் கேட்டு தன்னைத் திருத்திக் கொள்பவராக இருக்கலாம். ஆனால் மார்க்கப் போதனைத் தேவை இல்லை என நினைக்கும் இந்த உயர்சாதிக்காரர்களைத் தேடிச் சென்று நீர் மார்க்கம் சொல்கிறீர். சாதிவெறி பிடித்த இவர்கள் திருந்தாவிட்டால் உம் மீது எந்தக் குற்றமும் இல்லை.இதோ உம்மிடம் மார்க்கம் கேட்க ஓடோடி வந்த இந்தப் பார்வை அற்றவர், இறைவனை அஞ்சும் சுபாவம் உள்ளவர். அவரை நீர் அலட்சியம் செய்கிறீர். இது தவறு. திருக்குர்ஆன் ஒரு அறிவுரை. விரும்பியவர் அதில் இருந்து படிப்பினை பெறட்டும் என ஒரு அத்தியாயம் இறங்கியது.

சாதாரண ஒரு பார்வை அற்றவருக்காக முஹம்மது நபி கண்டிக்கப்பட்டார். இந்நிகழ்வுக்குப் பின்னர் முஹம்மது நபி இவரை அதிகம் கண்ணியப்படுத்த ஆரம்பித்தார்கள். முஹம்மது நபி போர்க்களங்களுக்குச் செல்லும் போது மதீனா பள்ளியில் தனது இடத்தில் இருந்து தொழுகை நடத்தும் முக்கிய பொறுப்பை
முஹம்மது நபி இந்த பார்வையற்ற ஸஹாபியிடம் அளிப்பார்கள். அந்த அளவுக்கு அவருக்கு மதிப்பளித்தார்கள். இந்த நிகழ்ச்சியின் மூலம் இஸ்லாத்தில் சாதி வேறுபாடு அடியோடுஅழிக்கப்பட்டது. அல்லாஹ்வின் முன்னிலையில் இறைத்தூதரும் தாழ்த்தப்பட்ட ஒரு மனிதரும் சரிசமமாகப் பார்க்கப்படுவார் என்ற நீதி கூறப்பட்டது.

முஹம்மது நபி, உயர் பண்பு உறுதி செய்யப்பட்டது. இவருக்காக தன்னை கண்டித்தானே என அவரைப் பழிவாங்க அவர் முற்படவில்லை. எல்லாவற்றுக்கும் மேலாக திருக்குர்ஆன், முஹம்மது நபியின் நூல் அல்ல, அது இறைவேதம் என்பது உறுதிப்படுத்தப்பட்டது.

திருக்குர்ஆனில் 80வது அத்தியாயம் ‘அபஸ’ (கடுகடுத்தார்) என்பதாகும். அதுதான் இந்த சம்பவம் குறித்துக் கூறும் குர்ஆனின் வசனங்களாகும். நாமும் சாதி வேறுபாடு பார்க்காமல் மனிதர்களை சரிசமமாக மதித்து வாழக் கற்றுக் கொள்ள வேண்டும். பிற சமூகத்தில் தாழ்த்தப்பட்டவர்களுக்கு நாம் நமஉரிமை வழங்கி நமது உடன்பிறப்புக்களாக மதித்து அவர்களுடன் இணைந்து வாழ வேண்டும்.

ஷைய்க் S.H.M. இஸ்மாயில் ஸலபி

Friday, 19 April 2019

[Arabic Grammar Rules – متن الآجرومية – Class-04] அரபி இலக்கணப் பாடம் – نحو

வழங்குபவர்: மவ்லவி K.L.M. இப்ராஹீம் மதனீ

நாள்: 19.04.2019 (வெள்ளி)
ஸினாயிய்யா, ஜித்தா

Keep Yourselves updated:Subscribe our islamkalvi YouTube Channel to get regular update:

இஸ்லாம்கல்வி இணையதளத்தின் புதிய பதிவுகளை உடனுக்குடன் தெரிந்துக்கொள்ள கீழ்கண்ட இணைப்பை சொடுக்கி எமது சேனலை Subscribe செய்யவும்

Wednesday, 17 April 2019

கவலைப்படாதே! அல்லாஹ் எம்முடன் உள்ளான்! [திருக்குர்ஆன் கூறும் கதைகள்-44]

“லா தஹ்ஸன் இன்னல்லாஃ மஅனா” கவலைப்படாதே, அல்லாஹ் எம்முடன் உள்ளான். இந்த வார்த்தை யாரால் யாருக்கு எச்சந்தர்ப்பத்தில் கூறப்பட்டது என்பது தெரியுமா தம்பி தங்கைகளே! வாருங்கள் தெரிந்து கொள்வோம்.

மக்காவில் நபி(ஸல்) அவர்கள் இஸ்லாமிய பிரச்சாரத்தை ஆரம்பித்த போது வார்த்தைகளால் வர்ணிக்க முடியாத கொடுமைகளை முஸ்லிம்கள்
சந்தித்தனர். ஒவ்வொரு நாளும் நெருப்பாற்றில் நீந்தி எரிமலைகளைக் கடந்து செல்வது போலிருந்தது. இறை நிராகரிப்பாளர்களின் வதைகள் வரம்பு மீறிப்
போன போது நபி(ஸல்) அவர்கள் தனது தோழர்கள் சிலரை அபீசீனியாவுக்கு அனுப்பினார்கள். அதன்பின் சிலரை மதீனாவுக்கு அனுப்பினார்கள். இதுவே இஸ்லாமிய வரலாற்றில் ஹிஜ்ரத் என்று கூறப்படும். நபி(ஸல்) அவர்கள் தோழர்களை அனுப்பிவிட்டு மக்காவிலேயே இருந்தார்கள்.

மக்கத்து காபிர்கள் நபி(ஸல்) அவர்களைக் கொலை செய்யத் திட்டமிட்டார்கள். எல்லா கோத்திரத்தில் இருந்தும் ஒவ்வொரு இளைஞனை எடுத்து அவர்கள்
மூலமாக நபியைக் கொல்ல வேண்டும். அப்படிச் செய்தால் தான் முஹம்மது நபியின் குடும்பத்தால் பழிவாங்க முடியாது போகும் எனத் திட்டம் தீட்டினர்.
இதன்படி மக்கத்து காபிர்கள் முஹம்மது நபியின் வீட்டை முற்றுகையிட்டனர். அவர் தமது படுக்கையில் தமது ஒன்றுவிட்ட தம்பி அலி(ரலி) அவர்களை உறங்க வைத்துவிட்டு வீட்டை விட்டு வெளியேறினார்.நபி(ஸல்) அவர்கள் தமது உயிர்த் தோழர் அபுபக்கர்(ரலி) வீட்டுக்கு வந்தார்கள். இரவு நேரத்தில் தன் தோழரைக் கண்ட அபுபக்கர், நிலைமையை உணர்ந்து கொண்டார். நாடு துறக்க நபிக்கு கட்டளை வந்துவிட்டது என்பது அவருக்குப் புரிந்து விட்டது. ஏற்கனவே தயார் நிலையில் இருந்த இருவரும் தமது பயணத்தை ஆரம்பித்தனர்.

மக்காவாசிகள் சிறந்த குதிரை வீரர்கள். எனவே அவர்கள் விரட்டிப் பிடிப்பதில் வீரர்கள். அதனால் முஹம்மது நபி தொடர்ந்து பயணம் செய்யாமல்
எதிரிகளைத் தேடி அலையவிட்டு, அவர்கள் ஓய்ந்த பின்னர் பயணத்தைத் தொடர முடிவு செய்தார்கள். இந்தத் திட்டத்தின் அடிப்படையில் ‘தவ்ர்’ எனும்
குகையில் இருவரும் ஒளிந்து கொண்டனர். தமக்கு உணவு தருவதற்கும் மக்காவின் தகவல்களைத் தருவதற்கும் ஏற்பாடுகளைச் செய்து கொண்டனர். அந்தக் குகையில் மூன்று நாட்கள் தங்கியிருந்தார்கள். முஹம்மதையும் அபுபக்கரையும் உயிருடனோ, மரணித்த நிலையிலோ கொண்டு சென்றால் ஒட்டகங்கள்
பரிசாகக் கிடைக்கும் எனும் அறிவிப்பால் மக்கா இறைநிராகரிப்பாளர்கள் அவரைத் தேடி அலைந்தனர். ஒரு கூட்டம் ‘தவ்ர்’ குகைப் பக்கம் வந்து விட்டனர். குகைக்குள் இருப்பவர்களுக்கு மேலே இருப்பவர்களின் கால்கள் தெரிகின்றன.

இந்த சந்தர்ப்பத்தில் தான் எதிரிகள் கண்டு விடுவார்களோ… இறைத்தூதரைக் கொன்று விடுவார்களோ… என்ற கவலையும் கலக்கமும் அபுபக்கர்(ரலி) அவர்களுக்கு
ஏற்பட்டது. அப்போது அவர், “இறைத்தூதரே! அவர்களில் ஒருவர் தனது பாதங்களைப் பார்த்தால் கூட எம்மைக் கண்டு விடுவார்களே! நாம் இருவர் தானே உள்ளோம். அவர்கள் பலர் உள்ளனரே! என்ன செய்வது?” என்று தனது கவலையை வெளியிட்டார். அப்போது அபுபக்கரைப் பார்த்த இறைத்தூதர், “நாம்
இருவர் இருக்கின்றோம் என்று கவலையா? நாம் இருவர் இல்லை; மூவர் உள்ளோம். அல்லாஹ்வும் எம்முடன் இருக்கின்றான்.

“லா தஹ்ஸன் ( கவலைலப்படாதே! ) இன்னல்லாஹ மஅனா (நிச்சயமாக அல்லாஹ் எம்முடன் உள்ளான்) என ஆறுதல் கூறி உறுதிப்படுத்தினார். குகையில் இருக்கும் நிலையிலும் எதிரிகள் கொலை வெறியுடன் சூழ்ந்திருந்த சந்தர்ப்பத்திலும் அவர்களுக்கு அல்லாஹ் தனது அமைதியை இறக்கினான். காபிர்களின் மனதில் மாற்றம் ஏற்பட்டது. அந்த இடத்தில் தேடாமல் சென்று விட்டனர். இதனால் உத்தம நபியும் அவரது உயிர்த்தோழர் அபுபக்கர்(ரலி)யும் பாதுகாக்கப்பட்டனர்.

அல்லாஹ் பாதுகாக்க நினைத்தால் எந்தச் சூழ்நிலையிலும் பாதுகாப்பான் என்பதற்கு இந்நிகழ்ச்சி நல்ல சான்றாக அமைந்தது. இது குறித்த வசனத்தை சூறா ‘அத்தவ்பா’ 9ஆம் அத்தியாயம் 40ஆம் வசனத்தில் காணலாம்.

ஷைய்க் S.H.M. இஸ்மாயில் ஸலபி