புலூகுல் மராம் (தொடர்-14)

بَابُ اَلِاعْتِكَافِ وَقِيَامِ رَمَضَانَ

அத்தியாயம் – 5 நோன்பு பற்றிய நூல்
பாடம்-2: இஃதிகாப் மற்றும் ரமளான் இரவுகளில் நின்று வணங்குதல்.

697- عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم قَالَ: (( مَنْ قَامَ رَمَضَانَ إِيمَانًا وَاحْتِسَابًا, غُفِرَ لَهُ مَا تَقَدَّمَ مِنْ ذَنْبِهِ )) مُتَّفَقٌ عَلَيْهِ

697 ”இறை நம்பிக்கையோடும், நன்மையை நாடியும் எவர் ரமளானில் (இரவுகளில்) நின்று வணங்குகிறாரோ அவருடைய கடந்த கால பாவங்கள் மன்னிக்கப்பட்டு விடும்” என்று நபி(ஸல்) அவர்கள் கூறினார்கள் என, அபூஹுரைரா(ரலி) அறிவிக்கிறார். புகாரீ, முஸ்லிம்

698- وَعَنْ عَائِشَةَ رَضِيَ اَللَّهُ عَنْهَا قَالَتْ: (( كَانَ رَسُولُ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم إِذَا دَخَلَ اَلْعَشْرُ -أَيْ: اَلْعَشْرُ اَلْأَخِيرُ مِنْ رَمَضَانَ- شَدَّ مِئْزَرَهُ, وَأَحْيَا لَيْلَهُ, وَأَيْقَظَ أَهْلَهُ )) مُتَّفَقٌ عَلَيْهِ

698 நபி(ஸல்) அவர்கள் ரமளானுடைய இறுதிப் பத்து நாட்களை அடைந்து விட்டால், வரிந்து கட்டிக் கொண்டு இரவு முழுவதும் வணக்க வழிபாடுகளில் ஈடுபட்டிருப்பார்கள் (வணக்க வழிபாடுகளில் ஈடுபட) தம்முடைய குடும்பத்தார்களையும் எழுப்பி விடுவார்கள்” என, ஆயிஷா(ரலி) அறிவிக்கிறார். புகாரீ, முஸ்லிம்

699- وَعَنْهَا: (( أَنَّ اَلنَّبِيَّ رَسُولَ اَللَّهِ صَلَّى اللهُ عَلَيْهِ وَسَلَّم كَانَ يَعْتَكِفُ اَلْعَشْرَ اَلْأَوَاخِرَ مِنْ رَمَضَانَ, حَتَّى تَوَفَّاهُ اَللَّهُ, ثُمَّ اعْتَكَفَ أَزْوَاجُهُ مِنْ بَعْدِهِ )) مُتَّفَقٌ عَلَيْهِ

699 நபி(ஸல்) அவர்களுக்கு அல்லாஹ் மரணத்தை அளிக்கும் வரை ரமளானுடைய இறுதிப் பத்து நாட்களில் இஃதிகாஃப் இருந்தார்கள். அவர்கள் மரணமடைந்த பின்பு அவர்களுடைய மனைவிமார்கள் இஃதிகாஃப் இருந்தார்கள் என ஆயிஷா(ரலி) அறிவிக்கிறார். புகாரீ, முஸ்லிம்

700- وَعَنْهَا قَالَتْ: (( كَانَ رَسُولُ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم إِذَا أَرَادَ أَنْ يَعْتَكِفَ صَلَّى اَلْفَجْرَ, ثُمَّ دَخَلَ مُعْتَكَفَهُ )) مُتَّفَقٌ عَلَيْهِ

700 நபி(ஸல்) அவர்கள் இஃதி காஃப் இருக்க விரும்பினால், ஃபஜ்ர் தொழுவார்கள். பின்னர் இஃதிகாஃபில் நுழைந்து விடுவார்கள் என ஆயிஷா(ரலி) அறிவிக்கிறார். புகாரீ, முஸ்லிம்

701- وَعَنْهَا قَالَتْ: (( إِنْ كَانَ رَسُولُ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم لَيُدْخِلُ عَلَيَّ رَأْسَهُ -وَهُوَ فِي اَلْمَسْجِدِ- فَأُرَجِّلُهُ, وَكَانَ لَا يَدْخُلُ اَلْبَيْتَ إِلَّا لِحَاجَةٍ, إِذَا كَانَ مُعْتَكِفًا )) مُتَّفَقٌ عَلَيْهِ, وَاللَّفْظُ لِلْبُخَارِيِّ

701 நபி(ஸல்) அவர்கள் பள்ளிவாசலில் இருக்கும் நிலையில் என் பக்கம் தம் தலையை நீட்டுவார்கள். நான் தலையை சீவி விடுவேன். அவர்கள் இஃதிகாஃப் இருக்கும் போது தம்முடைய சுய தேவைக்காகவே தவிர வீட்டினுள் நுழைய மாட்டார்கள் என, ஆயிஷா(ரலி) அறிவிக்கிறார். புகாரீ, முஸ்லிம்
இங்கு புகாரியின் வாசகம் இடம் பெற்றுள்ளது.

702- وَعَنْهَا قَالَتْ: (( اَلسُّنَّةُ عَلَى اَلْمُعْتَكِفِ أَنْ لَا يَعُودَ مَرِيضًا, وَلَا يَشْهَدَ جِنَازَةً, وَلَا يَمَسَّ امْرَأَةً, وَلَا يُبَاشِرَهَا, وَلَا يَخْرُجَ لِحَاجَةٍ, إِلَّا لِمَا لَا بُدَّ لَهُ مِنْهُ, وَلَا اعْتِكَافَ إِلَّا بِصَوْمٍ وَلَا اعْتِكَافَ إِلَّا فِي مَسْجِدٍ جَامِعٍ )) رَوَاهُ أَبُو دَاوُدَ, وَلَا بَأْسَ بِرِجَالِهِ, إِلَّا أَنَّ اَلرَّاجِحَ وَقْفُ آخِرِهِ

702 ”நோயாளியை நலம் விசாரிக்கச் செல்லாமலும், ஜனாஸாவில் கலந்து கொள்ளாமலும், பெண்ணைத் தொடாமலும், அவளைக் கட்டியணைக்காமலும், தன்னுடைய முக்கியத் தேவைக்கன்றி வேறு எதற்காகவும் பள்ளிவாசலை விட்டு வெளியில் வராமலும் இருப்பது இஃதிகாஃப் இருப்பவர் மீது சுன்னத்தாகும். இன்னும் நோன்பில்லாமல் இஃதிகாப் இல்லை. மேலும் தொழுகைக்காக மக்கள் கூடுகின்ற பள்ளிவாசலில் தவிர வேறு எங்கும் இல்லை” என்று ஆயிஷா(ரலி) அறிவிக்கிறார். அபூதாவூத்

குறிப்பு: இறுதி பகுதி ஆயிஷா (ரலி) அவர்கள் கூறியது என்பதே சரியான சொல்

703- وَعَنْ اِبْنِ عَبَّاسٍ رَضِيَ اَللَّهُ عَنْهُمَا; أَنَّ اَلنَّبِيَّ رَسُولَ اَللَّهِ صَلَّى اللهُ عَلَيْهِ وَسَلَّم قَالَ: (( لَيْسَ عَلَى اَلْمُعْتَكِفِ صِيَامٌ إِلَّا أَنْ يَجْعَلَهُ عَلَى نَفْسِهِ )) رَوَاهُ اَلدَّارَقُطْنِيُّ وَالْحَاكِمُ, وَالرَّاجِحُ وَقْفُهُ أَيْضًا

703 ”தனக்குத் தானே விதித்துக் கொண்டதைத் தவிர இஃதிகாஃப் இருப்பவர் மீது வேறு எந்த நோன்பும் இல்லை” என்று நபி(ஸல்) அவர்கள் கூறினார்கள் என, இப்னு அப்பாஸ்(ரலி) அறிவிக்கிறார். தாரகுத்னீ, ஹாம்கி
இதில் மவ்கூஃப் என்னும் தரத்தில் அமைந்த ஹதீஸ்.

704- وَعَنْ اِبْنِ عُمَرَ رَضِيَ اَللَّهُ عَنْهُمَا: (( أَنَّ رِجَالاً مِنْ أَصْحَابِ اَلنَّبِيِّ رَسُولَ اَللَّهِ صَلَّى اللهُ عَلَيْهِ وَسَلَّم أُرُوا لَيْلَةَ اَلْقَدْرِ فِي اَلْمَنَامِ, فِي اَلسَّبْعِ اَلْأَوَاخِرِ, فَقَالَ رَسُولُ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم “أَرَى رُؤْيَاكُمْ قَدْ تَوَاطَأَتْ فِي اَلسَّبْعِ اَلْأَوَاخِرِ, فَمَنْ كَانَ مُتَحَرِّيَهَا فَلْيَتَحَرَّهَا فِي اَلسَّبْعِ اَلْأَوَاخِرِ )) مُتَّفَقٌ عَلَيْهِ

704 நபித்தோழர்களில் சிலருக்கு லைலத்துல் கத்ரு பிந்திய இரவில் (இருப்தாக) கனவில் காண்பிக்கப்பட்டது. இதைப் பற்றி நபி(ஸல்) அவர்கள், ”உங்கள் கனவுகள் எல்லாம் (ரமளானில்) கடைசி ஏழு நாட்களிலேயே சேர்ந்து அமைந்திருப்பதை நான் காண்கிறேன். எவராவது அதைத் தேடுபவராக இருப்பின் கடைசி ஏழு நாட்களில் தேடிக் கொள்ளட்டும்” என்று நபி(ஸல்) அவர்கள் கூறினார்கள் என இப்னு உமர்(ரலி) அறிவிக்கிறார். புகாரீ, முஸ்லிம்

705- وَعَنْ مُعَاوِيَةَ بْنَ أَبِي سُفْيَانَ رَضِيَ اَللَّهُ عَنْهُمَا, عَنْ اَلنَّبِيِّ رَسُولَ اَللَّهِ صَلَّى اللهُ عَلَيْهِ وَسَلَّم قَالَ فِي لَيْلَةِ الْقَدْرِ: (( لَيْلَةُ سَبْعٍ وَعِشْرِينَ )) رَوَاهُ أَبُو دَاوُدَ, وَالرَّاجِحُ وَقْفُهُ .
وَقَدْ اِخْتُلِفَ فِي تَعْيِينِهَا عَلَى أَرْبَعِينَ قَوْلًا أَوْرَدْتُهَا فِي ” فَتْحِ اَلْبَارِي “

705 லைலத்துல்கத்ர் இரவைப் பற்றிக் குறிப்பிடுகையில், ”அது 27வது இரவு” என்று நபி(ஸல்) அவர்கள் கூறினார்கள் என முஆவியா இப்னு அபீஸுஃப்யான்(ரலி) அறிவிக்கிறார். அபூதாவூத்
இது முஆவியா (ரலி) உடைய சொல் என்பது தான் சரியானது

இது மவ்கூஃப் எனும் தரத்தில் பதிவு செய்யப்பட்டுள்ளது இது சம்பந்தமாக ஃபத்ஹுல் பாரீ

(புகாரியின் விரிவிரை)யில் 40 கருத்துகள் இடம் பெற்றுள்ளன.

706- وَعَنْ عَائِشَةَ رَضِيَ اَللَّهُ عَنْهَا قَالَتْ: (( قُلْتُ يَا رَسُولَ اَللَّهِ : أَرَأَيْتَ إِنْ عَلِمْتُ أَيَّ لَيْلَةٍ لَيْلَةُ اَلْقَدْرِ, مَا أَقُولُ فِيهَا? قَالَ: ” قُولِي: اَللَّهُمَّ إِنَّكَ عَفُوٌّ تُحِبُّ اَلْعَفْوَ فَاعْفُ عَنِّي ” )) رَوَاهُ اَلْخَمْسَةُ, غَيْرَ أَبِي دَاوُدَ, وَصَحَّحَهُ اَلتِّرْمِذِيُّ, وَالْحَاكِمُ

706 ”அல்லாஹ்வின் தூதர் அவர்களே! லைலத்துல் கத்ர் எதுவென அறிந்து கொண்டால் நான் என்ன கூறுவது?” என்று கேட்டதற்கு, ”யா அல்லாஹ்! நிச்சயமாக நீ மன்னிக்க கூடியவன்; மன்னிப்பை விரும்புபவன்; என்னை மன்னிப்பாயாக! என்று கூறவும்” என நபி(ஸல்) அவர்கள் பதிலளித்தார்கள் என, ஆயிஷா(ரலி) அறிவிக்கிறார்.
அஹ்மத், திர்மிதீ, மற்றும் இப்னு மாஜா.

இது திர்மிதீ மற்றும் ஹாம்மில் ஸஹீஹ் எனும் தரத்தில் பதிவு செய்யப்பட்டுள்ளது.

707- وَعَنْ أَبِي سَعِيدٍ اَلْخُدْرِيِّ رَضِيَ اللهُ عَنْهُ قَالَ: قَالَ رَسُولُ اَللَّهِ رَسُولَ اَللَّهِ صَلَّى اللهُ عَلَيْهِ وَسَلَّم : (( لَا تُشَدُّ اَلرِّحَالُ إِلَّا إِلَى ثَلَاثَةِ مَسَاجِدَ: اَلْمَسْجِدِ اَلْحَرَامِ, وَمَسْجِدِي هَذَا, وَالْمَسْجِدِ اَلْأَقْصَى )) مُتَّفَقٌ عَلَيْهِ

707 ”மஸ்ஜிதுல்ஹராம் என்னுடைய இந்த மஸ்ஜித் மஸ்ஜிதுல் அக்ஸா ஆகிய மூன்று மஸ்ஜிதுகளை தவிர்த்து வேறு எந்தப் பள்ளிவாசலுக்கும் செல்ல (விசேஷ) பயணத் தயாரிப்புகளை மேற்கொள்ளாதீர்கள்” என்று நபி(ஸல்) அவர்கள் கூறினார்கள் என அபூ ஸயீத் அல் குத்ரீ(ரலி) அறிவிக்கிறார். புகாரீ, முஸ்லிம்

இன்ஷா அல்லாஹ் தொடரும்…

Tags:புலூகுல் மராம்